Ka MPSC ymtoh u man ko ya kiwa emyatoh wa ki Politician: Dr. Mukul

U MLA ka TMC na Songsak, u Dr. Mukul Sangma da ong u wa heipor wa man u kam u Montri Rangbah nachwa, ym jooh em iwon iwon i thung ya ki bru kiwa yajan næ kiwa ha-yung, næ da ka kurim yong ki Politician ha ka Meghalaya Public Service Commission (MPSC).

U Dr. Mukul da beiñ joor u yei rukom krehkaam ka MPSC khamtam hawa yatoh wa i pynlai ya ki Exam deiwa e nongmuna u yei leh ka MPSC wow bichaar biang ya ka Result deiwa thap chooh chooh ki bru wot hadien wa da pynmih ya ka Result wei ini da chah rkhai beiñ ka Commission.

Da ong u wa hawa ki paidbah dooh ki yei chaniah yei rukom krehkaam kani ka Commission kawa da pynkup bor da ka riti synchaar ka ri ini da man ko iwa maa.

Da khana u wa ha ka Result ka District Selection Committee ka East Garo Hills, da em le ngut kiwa na ka jooh ka yung kiwa Pass ya ka Exam.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

“Ka jylla da man ko kawa da maad ya chiboon i eh khamtam ya ki khynroo khyllood wei iwa da mih ha ka Election MP ini wa dep da che kdar yei chrai ki paidbah kiwa da kun slem yei long i man ha ka jylla wei iwa man i dak wa maa ya ka jylla,” da ong u Dr. Mukul.

Da ong u leh wym toh u pynchrai ya ki paidbah neibhah daw poi chei pdung iwa daw wanrah yei huri hura.