U Montri Rangbah ka jylla, u Conrad Sangma hawa yaklam wa kiwa thoh khubor hawa wan u ha Jowai ynnin ka 3 tarik, da ong u wa ka Mukroh haap ko hapoh Meghalaya wei ymtoh ha Block-I.
Hajrong i tyrwa ki waheh na ka chnong Mukroh ya u Conrad wow wan hiar biang cha chnong wow pait neiwon sdang u pood ka chnong, neiliang yong oo da bien hi u tangwa katkam wa man katni dang boonkaam ware u cheitu cheini.
Katkam wa man katni da ong u wa emkaam wow im chngaaiñ ki paidbah wei da phah leh ya ka Platoon ki pulit kiwa em ha ka chnong katni wow sonteri ya ka chnong na ka Police BOP.
Da ong u wa u Montri ka sorkar, u Sniawbhalang Dhar da chimkhia u yeini wow pait yeiwa emkaam ki paidbah ka chnong.
Da ong u wa ka sorkar em ko i kitkhlieh yeiwa jia ini wadep heiwa ka sorkar da pyndam ko ya waroh ki tamasa ha ki 10 sngi kam ka dak wow burom ya kiwa da khlaad.
