U Montri Rangbah ka jylla, u Conrad Sangma ynne da pynche chooh chooh u yeiwa ong u Montri ka chnat Sports & Youth Affairs ka jylla, u Shakliar Warjri heiyatoh wa ka National Games kawa daw pynman ha Meghalaya ha u snem 2027, deiwa ong wa ka Meghalaya hi wow pynman ka ymtoh kiwi ki jylla.
Tangwa neidaw wa ka Indian Olympic Association kamjooh ka sorkar pyrdi da ong ki wa yow man kani ka National Games kawa yoh bynta kiwi ki jylla ka thaaiñ North East, da e buit boi kawi næ ar tylli ki jait yalehke u e bhah ki wow pynman cha kiwi ki jylla ka North East yow lait u sñiaw wa dooh bhah ki.
Deiwa pyrkhat yeini, daw e mar kawi ka jait yalehke cha ki jylla ka North East katwa kiwi ki yalehke wa em palat 25 tylli u pynman ki ha Meghalaya hi wei kamjooh ka yalang wai pyrda wa ka yalang pynhaap pyrda leh u pynman ki ha Meghalaya hi.
Kamtæ da ong u wa kani ka lympung toh kawa da pdiang wei u pynman ha Meghalaya hi wei ymtoh kawa da pynmanlang wa kiwi ki jylla lait noh wow e laad wow pynman mar kawi ka yalehke ha ki jylla ka North East.
Puræ leh: Hanla u pynman ya ka National Games ha Meghalaya daw hap e bhah leh ya kiwi ki jylla ka NE
Discussion about this post