Phah u DC wym toh u chim poisa ya kiwa wan pynbait ya u Aadhaar

U Deputy Commissioner (Supply) ka East Jaiñtia Hills District da pyntip u wa katkam ka chithti wa da wan na u Director ka chnat Food Civil Supplies wa Consumer Affairs ka Meghalaya, kamwa man kattæ hapoh ka jylla waroh da booh da ka thong wow pyntikna wa 100% u ye u pynyabi ya u Aadhaar Number wa ki Ration Card yong waroh kiwa yoh khoo rachon hapoh ka National Food Security Act, 2013.

Da booh ya ka 30-06-25 yow pyndep yeini waroh, kamtæ neiliang u DC (Supply) da phah u ya waroh ki thaw leh Aadhaar namo ki Aadhaar Operating Center wa em hapoh ka District kiwa pynlai da ka yung krehkaam u DC wym toh u chim poisa na kiwa yoh khoo rachon (NFSA Beneficiaries) kiwa wan cha ki Centre neibynta wow pynbait yei pyrtuid, u pynbait yei thaw sah næ ka tarik sngi kha ki (Demographic) kamjooh hawa leh ya ka Biometric Update iwa mut wow chon ya ki pariam kti wa ki pyllung khmat.

Kini kiwa wan leh yeini hap ki wow pynbiang ki kot ki sla kiwa biang wow pynyoo wa ki toh kiwa yoh khoo rachon.

Related posts

Ngam ka Truck ha u sarok wa chah tih heipor wa pynman ya ka Public Hearing ka Shree Cement

August 18, 2026

Ym ye wow bichaar ya ki Appeal ka KHADC wa u Acting Syiem pyrchah ya u Ainam Manik Syiem

August 18, 2026

Kani ka hukum toh kawa pynkrehkaam chisiendon hadooh wa da pynbna da kamwi.