Shillong: U MLA ka National People’s Party (NPP) uwa man leh u symbood montri rangbah, u Prestone Tynsong da ong u wa ka Party sñiaw ko wow kyrchaan ya u kyrtong ka United Democratic Party (UDP) ha ka Election chiteiñ samoi ha Shella Constituency kam ka dak wow burom ya u MLA wa da khlaad noh, u Dr. Donkupar Roy.
Da ong u wa kani ka rai ymtoh kawa da leh du samen tangwa dei rai ka Party waroh kawi.
“Sñiaw i wa hadooh u 2023 kani ka Constituency toh ka yong u Dr. Don, kamtæ kam ka dak wow burom ya uni uwa mihkhmat da rai u wow kyrchaan bait ya ka UDP,” da ong u Prestone.
Ka NPP toh du ka donhi kawa da rai wym booh kyrtong ha kani ka Election napyrdi ki Party kiwa emlang ha ka sorkar.
“Hajrong i booh kyrtong da kiwi tawon ki Party wa emlang ha ka sorkar, ym em wow ong O iyi iyi neibhah em ki jar jiar ki yurim wa i rukom krehkaam,” da ong u Prestone, deiwa pynrap leh wa i booh kyrtong kiwi ki Party ym ktah i ya ka sorkar MDA.
Heijooh i por neiliang u Prestone da ong u wa ka NPP daw lai yalap Election ko neibynta u kyrtong ka UDP, u Balajied Kupar Synrem wow pyntikna wow yoh u yei jop.
Discussion about this post