U Symbood Montri Rangbah ka jylla, u Sñiawbhalang Dhar ynnin ka sngi da lai yalap Election u ha chnong Nonglatem wow paan yei kyrchaan ki paidbah ya u kyrtong ka NPP na 6-Moodymmai Nongkhroh Constituency, u Jesse Suiam.
U Sniawbhalang hawa e i klam da ong u wa la le sien man u kam u MLA yong ka thaaiñ wei ym em u arsap u ya ki paidbah heiwa da pyrchang wow chakri hok katwa joh i bor yong oo.
Da ong u wa ka VPP toh kawa yoh chap da u prah wei ym kwah u wa ka Constituency u em stait ko tangwa kwah u wow em dei met.
Heiyatoh wa ka chap ka NPP kawa man ka kot, da ong u wa kani ka kot em ko ka lynnong wa nyngkong kawa thoh kammon u chna ya ki luti syngkieñ, ki kynroh wa kiwi, ha ka sla wa ar da thoh kammon wow wanrah ya ki skur wa i stat i tip, ha kawa bood won ka um-baam um-dih, neitæ won ka bordiñ wa ki thaw sumaar wa i chait i khiah.
Da ong u wa ha District Council emkaam u man kiwa yatoh wa ka sorkar jylla neibhah lym yatoh tæ daw man kiwa rem hanla jop leh.
U Jesse hawa e i klam da ong u wa ka Manifesto yong oo klam ko wa wan u na ka yung kawa dooh wei u chakri u ya ki paidbah kiwa kam oo hi wei ym ksoh u ya ka Scheme ki paidbah.
Da ong u wa ka NPP ong ki bru wa toh ka Party Garo, tangwa da seiñ ya ka ha Jowai ha yung ka P. Toi chirup wa u PA Sangma.
Discussion about this post