U President ka Meghalaya Pradesh Congress Committee (MPCC), u Vincent H Pala da kynthah u deiwa eh ya ka National People’s Party (NPP), deiwa ong wa kani ka sorkar kawa katni ym em man ko kam ki sorkar kiwa nachwa, deiwa pynrap wa kani ka sorkar wa yahkhmat da ka NPP toh kawa leh embor, kawa baam-tooh wei kawa kwah wow pynkut ya kiwi ki Party deiwa pynemkaam da ka poisa pyrchah aiñ kawa yoh nei drugs, na u mooyong wa na ki buit tooh yei kreh Contract.
Da ong u wa neiliang ka Congress da kyntu joor ko ya ki MLA yong ka wym toh u ngat ki ha ki kaam pynbiej ka NPP, deiwa e nongmuna leh wa ha u snem 2021, hadooh 17 ngut ki MLA kiwa mih wei kiwa boon ym em jop ki.
U Pala da khyrwait chooh chooh u deiwa ong wa kamwa man kattæ ka sorkar MDA ym emkaam de ko ya ya ki MLA ka Congress neibhah da em chwa hadooh 47 ngut ki MLA ha ka liang synchaar, wei da taan ya ki MLA ka Congress du wow pynhiar kyrdan ya ka Congress neibhah kani toh ka thong ka BJP wa NPP yow pynjæd ya ka Congress khamtam hawa ki paidbah da sdang ki wow noh biang cha ka Congress ha kylleiñ ka ri.
Discussion about this post