theme-sticky-logo-alt
theme-logo-alt
Advertisement ad1
Advertisement ad1

Ka NPP toh kawa miat dooh wow pyndap yei kwah ki paidbah ka Manipur: Conrad

Advertisement ad1
Advertisement ad1

U Montri Rangbah ka jylla uwa man leh u khlieh ka NPP, u Conrad K Sangma ynne da sdang u ya ka yalap Election namo ka Election Campaign ha Manipur na Aba Ground, Kshetrigao Constituency, heiwa da pynman ya ka yalang yalap neibynta u kyrtong ka Party, u Sheikh Noorul Hassan, u wow yakhun ha ka 12th Manipur Legislative Assembly 2022. 

Ya u Conrad da synraan da ki ar ngut ki MLA, u Thomas Sangma wa u Marcuise Marak ha ka yalang wa man ha Imphal.

Advertisement ad1

U Conrad da lai yalap Election u ha ki ar thaw, ka Kshetrigao Constituency wa Yaiskul Constituency, heiwa u MLA wa katni u Huidrom Vikramjit Singh toh u kyrtong ka Party. 

Hawa klam ha ka Rally, u Conrad Sangma da ong u wa ka Party yajan bha ko wa ki paidbah ka Manipur wei neini i daw kyrchaan ki ya ka NPP. 

Da ong u leh wa ka NPP toh ka Party wa kreh neibynta ki paidbah ka thaaiñ mihsngi heiwa da kyrmen u wa ki paidbah daw kyrchaan ki ya ka Party kawa kreh hadooh wa yoh ya i thong i jop.

Heijooh i por da ong u wa ki paidbah ka Manipur da thooh salan ki da kiwi ki Party wei ka NPP toh kawa miat dooh wow pyndap yeiwa thylli. 

Share this:
Previous

I pynkynmoo na u Joint Director ya ki wym pu yoh thaw puræ

Next

Psiah Semi Final ka Donaskur, ka Shymphlong waka Lumshnong ha ka Elaka Narpuh Football Tournament Champions 2021