theme-sticky-logo-alt
theme-logo-alt
Advertisement ad1
Advertisement ad1

Psiah Semi Final ka Donaskur, ka Shymphlong waka Lumshnong ha ka Elaka Narpuh Football Tournament Champions 2021

Advertisement ad1
Advertisement ad1

Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 22 tarik da ki yakhun Quarter Final wa le tylli ha madan bol ka Umkiang.

Ha ka yalehke wa nyngkong da pynman hapyrdi ka Donaskur FC waka Lumshnong YWSC B kawa da kut mar 1-1 da ki kool wa thap da u Jefferson Dkhar ha ka minit wa 18 ya ka Donaskur wa u Ri-O Dkhar ha ka minit wa 24 ya ka Lumshnong.

Advertisement ad1

Kamtæ da pynman da ka yachut Tie-breaker heiwa ka Donaskur da jop ko da 4-3.

Ha ka yalehke wa ar hapyrdi ka Shymplong SC waka waka Lumsohskie FC, kani leh da kut ko da 1-1 da ki kool wa thap da u Raplang Syih ha ka minit wa 28 ya ka Shymphlong wa u Rahul Pohtam ya ka Lumsohskie ha ka minit wa 9.

Ha ka yachut Tie-breaker ka Shymplong da jop ko da 3-2.

Ha ka yalehke wa le kawa hapyrdi ka Lumshnong YWSC A waka Umkiang Sports Association, da kut biang da 1-1 da ki kool wa thap da u Ronaldo Rymbai ha ka minit wa 14 ya ka Lumshnong wa u Ker Pala ha ka minit wa 28 ya ka Umkiang.

Kamtæ da pynman biang da ka yachut Tie-breaker heiwa ka Lumshnong da jop ko da 4-3.

Kini waroh wa jop da yoh ki wow psiah cha ka Semi Final.

Ki yakhun Semi Final toh kiwa daw sdang ha ka 24-11-21 kiwa man kamni ha wah:

  • 11:45 AM Ratacherra Lumtrom FC Vs Donaskur SC
  • 1:30 PM Lumshnong YWSC A Vs Shymplong SC.
Share this:
Previous

Ka NPP toh kawa miat dooh wow pyndap yei kwah ki paidbah ka Manipur: Conrad

Next

Ki Party ka Meghalaya i rukom pyrkhat kam ki seiñ ri-loom wa lai khrong poisa cha Delhi: Chuba Ao