Ka NPP wa UDP toh kiwa chah pynlai da i sur ka BJP wow pynrem ya ka Congress: Pala

Shillong: U kyrtong MP ka Congress na Shillong uwa man leh u MP wa katni, u Vincent H Pala da ong u wa ka National People’s Party (NPP) wa ka United Democratic Party (UDP) toh kiwa da chah pynlai ha ka BJP du wow yaleh yow pynrem ya ka Congress ha Meghalaya ha kani ka Election MP ka wow man haka 11 tarik u bnai wow wan.

Hawa yaklam wa kiwa thoh khubor u Pala da tikna u wa ya ka NPP wa UDP da pynlai da ka BJP ha kani ka jylla wei i daw waka BJP ka booh kyrtong ko na Shillong ha kani ka Election toh du wow yoh ya ki Vote yong kiwi ki jaitbru yow lait ka Congress u yoh ki.

Da ong u wa ka yakhun yong oo ha kani ka Election u man waka UDP wa ka BJP neibhah ka NPP kawa ya krehlang ki na Shillong, ka ym pynyeiñ kyrtong ko na Shillong hanlada u Conrad K Sangma da pynbna u wow yakhun ka NPP na waroh 25 tylli ki Constituency ha North East.

Da ong u wa ini che kdar wa ki kwah ki u pynrem bait ya ka Congress iwa man i sur yong ka BJP.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha iwi i liang da ong u i man MP yong oo da leh u boon ki kaam wa ym em pynbnai pyrthai u, tangwa da ong u wa i sur yong ka Congress man lang ka sur yong oo, khamtam hawa yatoh iwa ktah bha kam ka CAB wa kiwi kiwi.

Chooh chooh da pdiang u wa ka kaam khappood man ko kawa eh bha wei da ong u wa haka yalap Election ym jooh em kular u iyi iyi leh hajrong kani ka kaam neidaw wa ym em man ko kawa suk, tangwa da ong u wa na i por cha ka por da jooh thoh u cha ka sorkar pyrdi neibynta wow pynbait noh ya u pood u ang hapyrdi ka Meghalaya wa Assam.