Ka Montri sorkar kawa man leh kam kawa yahkhmat ka National People’s Party (NPP), ka Dr. M Ampareen Lyngdoh, da ong ko wa ka Party toh kawa yieñ skem yow kyrchaan yaka sorkar yow lai ko chakhmat yei yaklam yasuk wa emkaam iwa da sdang waka Hynniewtrep National Liberation Council (HNLC).
Hawa yaklam wa kiwa thoh khubor ynne, ka Dr. Ampareen da ong ko wa em i wym ya hun wei i wym ya sñiawthooh i wym pu ye u pyntikna.
Da khana ko leh wa u Symbood Montri Rangbah kattæ ym pu lait u wow pait ya ini i kaam.
Ka Dr. Ampareen da kular ko wa ka Party deilang waka sorkar toh kiwa da rai wow pteiñ yei klam yasuk waka HNLC yow ye leh u poi i chadooh wa kut yow yoh yei suk.
Kam wow pynkynmoo wa ka HNLC da mih noh ko nei yaklam yasuk wa da sdang hapyrdi ka sorkar jylla waka sorkar pyrdi neidaw wym bien ka sorkar wow maap ya waroh ki mukotduma wa da em pyrchah ya kiwa yahkhmat ka seiñ wa ki dkhot ka seiñ.
Discussion about this post