Ka NPP wow yahkhmat ya ka sorkar jylla ha u 2018: W.R. Kharlukhi

Jowai: U State President ka seiñ NPP u W.R. Kharlukhi hawa yaklam u wa kiwa pathai khubor ynnin ka 14 tarik da ong u wa kamwa man katni hapoh ka jylla ym artatien wa ka NPP hi u man ko kawa jop ha kiwa boon dooh ki constitueny ha kani ka Election.

Da ong u leh wa daw boon kiwa phylla ki wa daw yoo ki paidbah tangwa ym bien u wow pyntikna wa u Ngaitlang Dhar wa u Sniawbhalang Dhar daw psiah ki cha ka NPP.

Chooh chooh da ong u wa ka luti wa lai ka kaam puræ puthi hapoh ka jylla toh kawa sahdien nadooh wa wanrah da ki phareng kiwa kwah ki u e du kattu katni donhi hi i stat yow yoh ki bru wa kreh ki, kamtæ emkaam wow pynkylla thymme noh ka.

Heiyatoh won wa i sah i pynbait ya u pood u ang wa ka Assam da ong u wa toh iwa ye u leh wei emkaam du yei mynsien raikut ki seiñ saiñ hima wow pyndep ya ini i kaam tangwa boon i por da pynman kaam Politics hi-eh ya ka.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Katwa yei ood won ki paidbah wa sah ha khappood wa ym biang ki sarok ki luti syngkieñ wa daw dam ki u chimbynta ha kani ka Election da jubab u deiwa ong wa ki paidbah toh u pynrem ki ya ka sorkar wa rim yow yoh u wanrah daka sorkar thymme wei lada ka leh ym leh ko yeiwa kwah ki paidbah, ki paidbah won toh u pynrem ki ya ka.

Da ong u leh wa i lai uiñ pyrthai kiwa mihkhmat toh u pyndooh noh wei emkaam u li hiar cha ki chong wa ki thaw ka jylla yow sñiawthooh ki yei eh i khoo ki paidbah neibhah iwa leh ki cha kiwi ki ri boi ym ye u pynkrehkaam ya ki hapoh ka jylla.

Kamjooh leh da ong u wa em ki chnong wa da ye ki u imja neibor yong ki hi, deiwa e nongmuna ya ka Chnongpdeng heiwa ka sorkar emkaam u sñiawthooh wa kammon u yaleh wow wanrah ya ini cha kiwi ki chnong.

Heiyatoh won wa i chah khang wow tih mooyong, da ong u wa ka NGT da leh ko deiwa pyrkhat ko ya ka rymaw wei lada ki paidbah ym bien ki u yakrehlang wow yada ya ka rymaw heiwa ka sorkar toh u yarap ko ya ki wow leh ya ini, wei i tyrwa u Montri Rangbah wow wanrah da ka MMDC yow khih mooyong toh wa kwah u wow chna poisa. Kamtæ kat wym pu ye hi u yada ya ka rymaw ka NGT ym pyllait ko wow khih mooyong.

Da pynkut u deiwa ong wa nadooh kiwa kit palatpood ki truck, i chna sarok wym biang wa kiwi kiwi toh u em i bah khlieh waroh kiwa em kti ha kini ki kaam.