Ka NPP ym tympra ko yaka jylla hapyrdi ki jaitbru waka niam: Ampareen

Ka kyrtong MP ka National People’s Party (NPP) na Shillong Parliamentary Constituency, ka Ampareen Lyngdoh da ong ko wa ki paidbah ka ri-loom Khasi wa Jaiñtia toh u mylliñ ki yei sñiaw wa i leh Politics kawa daw pyndooh noh ya ka jaitbru tangwa toh u jied yaka kam ka MP ka wow ye u pynmankaam ya ki phang ka jaitbru neibhah da em chwa ko haka seiñ kawa yajan waka Delhi.

Ka Ampareen deilang wa kiwa yahkhmat NPP ynne ka sngi da pdiang burom ki ya u MDC ka Mairang, u Batskhem Ryntathiang cha ka NPP haka yalang kawa da pynman ha chnong Mission, Mairang.

Hawa klam ha kani ka yalang, ka Ampareen da ong ko wa ka NPP ym tympra ko yaka jylla hapyrdi ki Khasi, Jaiñtia wa Garo wei ym phiah ko hajrong ka niam wa i ngait yong kiwa chong chnong.

Da ong ko wa ka sorkar kawa yahkhmat ka NPP da leh ko chiboon ki kaam neiynta ka jylla wei da kyntu ko ya ki paidbah wym toh u man ki kiwa thlah neidaw ka Politics.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong ko leh wa hapoh i yahkhmat ka NPP, i rep i riang da ku haka jylla nadooh i thung Strawberry, syiñ, chirmit, ki soh wei i seiñ ya ki SHG yow pynku ya ki manbei ha ki kaam waphær waphær. Deiwa ong leh wa ka NPP toh ka Party ka wow ye u synchaar da idæ ya idæ wow yahkhmat ya ka jylla chakhmat.

Hawa kyntu ya ki paidbah wow jied yaka kam kawa yahkhmat, ka Ampareen da ong ko wa ymtoh u pait yaka kam ka kynthai næ wym toh ka chynrang tangwa toh ka MLA, kawa yahkhmat paidbah wei da kob ko wow leh rap palat yeiwa ye uwon uwon u MP chynrang kiwa da mihkhmat naka jylla. Da ong ko wa ki paidbah toh u jied ki yaka neibhah wa ka ye ko wow krehkaam, kawa tip wei kawa chemphang wei em ko haka Party kawa emyatoh waka Delhi.

Da ong ko leh wa lada cha jied kam ko ka MP, daw ieh noh ko yei kaam kam ka MLA khnang yow rah ya ki phang ka jylla cha Parliament ha Delhi. Da ong ko leh wa iwa da tip ko na u pa ko u tynde u Peter G Marbaniang ha i por wa man MP u daw e  ko yei stat chooh chooh ya ka.             

Da ong ko wa u MP wa katni, u Vincent H Pala ym ye u wow leh iyi iyi neibhah wa em u haka liang pyrchah wei da emkaam ya ki paidbah ka Shillong Parliamentary Constituency yow jied yaka Party kawa em yajan ha Delhi neibynta i myntoi ka jylla.