“Nga yoo O wa Party thymme hapoh ka jylla ym em yalap ko ya ka Politics (saiñ hima) tangwa yalap ko ya ka niam,” da ong u President ka MPCC, u Vincent Pala hawa kylli kiwa pathai khubor ynne wa lada ka Congress dang yoo khlan ko cha palatsor neibhah em ka Party wa dang mih thymme ha jylla.
Da pynrap u deiwa ong lada pait ya ki bru wa pynemkaam da ka niam man iwa maa bha lada pait khamtam ya ka Pakistan, Syria neibhah hawa kut ki bru wa pynemkaam da ka niam ym jooh jop ki.
Chooh chooh da ong u wa ka Party thymme da kular ko ya ka Reservation tangwa cheiwon wiar ka Reservation, wei ki paidbah da sdang ki wow chem wa ki kular ym yahaap de ki wa ki kaam.
Da ong u wa ini wadep da pynngait ki ya ki bru wei lada ap lai ym sñiaw toh de kamwa lai yalap Election ki, da sñiaw pathan kamwa lai yalap ha yungmane deiwa ong wa ha Meghalaya em boon tylli ki jait niam tæ kammon u pynkhleh ya ka niam wa i synchaar paidbah.
Heijooh i por da ong u leh ini toh ka dak wa ini man i kamwa krehkaam ka BJP kawa pynemkaam da ka niam, da ka Reservation kam chibynta wow phiah da ka niam wa ki jaitbru iwa booh hei maa ya ki paidbah.
Discussion about this post