Shillong: I pteiñ uwa thoh khubor wow thooh yei sñiaw kiwi ki seiñ saiñ hima chaphang ka seiñ wa dang mihpyrthai kawa tip kam ka People’s Democratic Front (PDF) heiwa ki 12 ngut ki MDC ka KHADC da psiah ki cha ka, neiliang u General Secretary ka KHNAM, u Batkupar Wahlang da ong u wa ha u snem 2022 da toh i por wa waroh ki seiñ ri-loom wow yatylli noh ki hapoh kawi ka Party deiwa pyndooh yei kwah man heh neibhah em i yapiah yapra katni.
Chooh chooh da ong u wa i mih boon tylli ki seiñ saiñ pyrthai daw ktah joor bha ko ya ki paidbah neibhah daw joor du ka yaknieh chuki wow man heh.
“Ka PDF toh ka seiñ wa da chna da ki bru wa da yut na kiwi ki party wei i yutmut ka PDF leh mut Phetwir Democratic Front”, ong u Wahlang.
Da ong u wa ki 12 ngut ki MDC wa uwa yahkhamt yong ka, u Pynshngain N Syiem toh kiwa da phetwiar na kiwi ki party wa kynthup na ka Congress, HSPDP, UDP wa na ka KHNAM.
U Wahlang da ong u, “I mih ka PDF ym ktah ko ya kiwi ki party u ktah ko pyn ya ka hi neibhah kini ki MDC toh kiwa mih na ki party waphær waphær wei ym poi ki chei sñiawthooh yumut”.
Da kylli u na kitai ki MDC kammon u lai ki cha ki paidbah neibynta ka MLA election, heiwa tang ya ki kaam ka KHADC kam i tia pood ka MUDA, ka VAB ka 128 AD Rules wow khanglad ya ki baar jylla u chimbynta ki ha ki election cha ki ADC wa i e Trading License khiar cha ki baar jylla kamwa da chem lyngba ka RTI yong ka HYC ym ye ki u leh iyi iyi leh kam ki MDC.
Katkam i ong u wa yahkhmat ka KHNAM, kini ki MDC kiwa em ha ka PDF toh ki bru kiwa chim kabu neibhah ki da yut ki na kawi ka party cha kawi neibynta i yoh myntoi yong ki samen.
Da kynthah u leh ya ki ar ngut ki MDC kiwa jop na ka KHNAM wei katni da embynta ki wa ka PDF, kitæ toh u James Ban Basaiawmoit wa u Latiplang Kharkongor deiwa ong wa man ki thij næ kam ki khon yinreiñ.
Also Read: Artatien ki heh ka Congress wa ka HSPDP ya ka PDF
Discussion about this post