U Montri ka chnat PHE ka jylla, u Renikton Lyngdoh Tongkhar ynne ka sngi hawa yaklam wa kiwa pathai khubor da ong u wa ngaitskem u wa ki kreh hapoh ka JJM ymtoh u sahkut ki neibhah wa da ekti ha ki Village Water & Sanitation Committees (VWSCs) yong jar jiar ki chnong yow em itæ i sñiaw jan wei mantre ya ini i kaam.
Da yooluti u wow em i krehlang wei da ong u leh wa ki VWSC toh u em ki i bahkhlieh wow chna ya iwon iwon i kaam iwa khian la hei wow theh mobil, i thæh phñiang ya ki kor wa kiwi kiwi khnang wow lait u thut i rukom krehkaam yong ka.
Hawa kylli wa da em ki chnong wa da sdang i kreh heiwa da saam ya ka um tangwa da sangeh noh i neidaw wa thut heini heitai wei lada ka chnat u ye ko wow yarap ya ki, neiliang u Renikton da ong u wa ki kreh wa boon dang man kiwa lai hadooh katni.
Chooh chooh da ong u wa ka chnat PHE daw yarap ko wow pynmiat wei wow chna biang yeiwa sih ha ki kreh JJM lada man iwa emkaam.
