Ka Public Hearing ka Shree Cement kawa toh u pynman heipor 8:00 waje i step ha ka 31 tarik uni u bnai, pyn ynne ka 30 tarik da sdang mih kulmar heiwa ki pulit da sdang ki wow kawang wei pynhær ya ki Tear Gas.
I kawang Tear Gas da jia i ha ki thaaiñ ka yaaw Cement wa em hapoh ka Elaka Sutnga yow tympra ya kiwa boon ki paidbah kiwa da pynkhreh wow lai cha ka Public Hearing.
Em leh ki khubor wym pu ye u pyntikna wa da ong wa da chah ktah leh ki kari ki bru samen wei ym pu tip leh lada em kiwa mynsoo na ini wa jia.
Chwa ini da em won leh i khang luti da kiwa chong chnong ka Shnongrim neidaw wa pyrchah ki ya kani ka Public Hearing heiwa ki pulit da phah kyrriah yabor ki ya ki bru wa kah luti.
Discussion about this post