U Changelang Bareh uwa na ka chnong Tongseng wa haap hapoh ka Elaka Nongkhlieh hawa pynsñiaw u yei e kyrchaan yong oo ya ka Public Hearing ka Shree Cement kawa daw pynman mynstep ka sngi ka 31 tarik ha Lum Shyrman, Elaka Nongkhlieh, ong u kamwa ki paaid ka Elaka da pdiang ki ya ka Shree Cement dei kyrmen u yoh yei roi i paar, neiliang yong oo leh e u i kyrchaan wa pura neibhah wa ka thaaiñ toh kawa dang dooh dang duk.
Ong u deiwa wan ka Shree Cement yooluti u man i kyrkhu wa khroo ya ki paaid ka thaaiñ neibynta u pynlai skur khon wa kiwi wa emkaam.
Ong u wa da em i pynbaad wa lada wan ka Shree Cement daw chah ktah ki thaw rep, tangwa kam uwa rep nadooh dang khian sñiawthooh u wa ha iwon iwon i eh i saja wa maad, tip hi i leh wow thooh laad, wei ym em iwon iwon i chah ktah lada biang i pait sumaar na i hi ki bru wei deiwa em kyndon leh ya ka karkhana.
Chooh chooh ong u lada poi ka Shree Cement wot kiwa dooh leh daw yoh kyrchaanlang ki, u yoh yei khih kreh leh katkam i bor wa ye neibhah nei rep jhoor du katwon hi-eh u yoh.
Discussion about this post