Ka Rebecca V Suchiang kam ka CIC wa thymme ka Meghalaya

Ka sorkar jylla da mynjur ko wow thung da ka Chief Secretary warim ka jylla, ka Rebecca V Suchiang (IAS) kam ka Chief Information Commissioner (CIC) wa thymme yong ka jylla hadien wa da chong-ngiah u H. Nongpluh (IPS) ha u Khonchonglad (Nov) u snem wa dep.

U H. Nongpluh da chong-ngiah u kam u Chief Information Commissioner (CIC) ha ka 14-11-24 wei da jied ya ka RV Suchiang wow chimkti kam ka CIC wa thymme neibynta 3 snem.

Ya ka CIC da jied da ka Search Committee deiwa chim yumut leh na ka chnat Law wa Finance, hadien won ka chnat da tyrwa ko ya kiwi ki pyrtuid iwa da rah hakhmat ki Montri sorkar wei da jied yei pyrtuid ka RV Suchiang.

Ka RV Suchiang da chah jied ko napyrdi ki 3 ngut kiwa da mih pyrtuid wa kynthup ya kawi ka IAS wa uwi u IFS kiwa man kam ki sahep sorkar wa da chong-ngiah.