Jowai : Ka semifinal wa ar ka 1st Division ynne ka sngi da yaleh ha pyrdi ka 7 Wasa wa ka Chilliangraij yow yoh u yachem final wa ka Demthring ka wa pynrem ya ka Tpep-pale ynnin ka sngi.
Ka 7 Wasa kawa ym pu em rem ha ka 1st Division da jop suk ko ya ka Chilliangraij da 3-0. Ya ki kool da thap ar tylli da u Felixson Bang ha ka minit wa 26 wa 58, wa u Teddyson Bang u wa thap ha ka minit wa 52.
ADVERTISEMENT
Na ini i jop, ka 7 Wasa u yakhun final ko wa ka Demthring ha ka 8.10.16 wei kamjooh leh da yoh ko u ku cha ka kyrdan Super Division.
Mynstep won daw pynman ya ka final yong ka 3rd Division ha pyrdi ka Mukhla Raij wa ka Khliehmynkrem heipor 2 waje i sngi ha Kiang Nangbah Stadium, Ladthadlaboh, Jowai.
Discussion about this post