Shillong: Ka chnat Animal Husbandry & Veterinary, Cooperation Department waka Meghalaya Basin Development Authority (MBDA) da pynman ki ya ka Workshop wa ar sngi hajrong i ri sniang wa i ri syiar wei wa kammon wow pyllai yaaw ya ki heiwa u Deputy Chief Minister, u Prestone Tynsong da man u kam u kongsan wa pynman ha State Convention Centre, Shillong.
U kongsan hei klam yong oo da ong u wa i ri mrad man ko i rukom im kiwa em cha nongkyndong wei ka sorkar da yaleh ko u yarap ya ki wow yoh nong ki na kani ka kaaam. Wei kani ka Workshop daw yarap ko ya kiwa ri mrad na ki e sikai wa yoh ki na kiwa chemphang ha kan ka kaam.
Ha chwa ini u K N Kumar, Agriculture Production Commissioner, Government of Meghalaya da ong u wa 75% ki bru ka thaaiñ mihsngi toh kiwa baam doh wei i rukom ri sniang dang ko kawa sahdien kawa ym yahap waka juk wa ktni yow ye u pynmih boon i doh yow ye u pynhun yeiwa emkaam ki bru wei kani ka Worshop da pynman ya ka yow sñiwathooh kammon wow psan sniang kamjooh ya ki syiar katkam ka juk wa katni.
Ha kani ka sngi u kongsan da pyllait u leh ya ka Draft Meghalaya Piggery Mission Document.
Ha kani ka Workshop da em leh u Dr. Vijay Kumar D, Commissioner and Secretary wa CEO, MBMA, Dr. Manjunatha C, Secretary Animal and Husbandry Department, ka M.N. Nampui, Secretary Cooperation Department, ka R.C. Sohkhlet, Registrar of Cooperative Societies, Dr. C. Shilla, Director of Animal Husbandry and Veterinary wa ki warep ka ri-loom Khasi wa Jaiñtia.
Discussion about this post