U MDC ka BJP, u Lakhon Biam da ong u wa katkam wa man katni ka sorkar Meghalaya ym em de u thung kreh sorkar ko hanla em chiboon tylli ki kreh kiwa lait ha ki chnat waphær waphær, kamwa da paw ha kini ki snem ka sorkar lyngba ka MPSC wa ki DSC da pynmih boon ki Advertisement tangwa chimpor ya ki le soo snem wei wot hadooh san snem nadooh wa pynmih ya ki Advertisement, ki Exam wa ki Personal Interview.
Hajrong ini da ong u wa ka sorkar toh u thung kreh noh ko ha waroh ki kyrdan (Post) kiwa lait ha ki chnat yong ka khnang wa ki khynnah u yoh kreh ki wei wow lait ki na i palat rta (Over Age) wei wow lait u tkoh ki kaam ki chnat yong ka.
“Lada ka sorkar jylla pynkrehkaam ko ya ka Roster System, tangwa ymtoh u ktah ko ya ka Reservation Policy wei toh u pynkrehkaam kamwa man nadooh nachwa lada ha ka MPSC namo ha ka DSC wei ka sorkar ymtoh de wow thung kreh ko du chipor (Contractual),” da ong u Lakhon.
Heiyatoh won wa i pynyinsur ya i rta thung kreh cha ka 37 snem, da ong u wa ka sorkar toh u pynyinsur ko cha ka 40-42 snem neibhah wa boon ki sorkar ha ri wa wot ka sorkar pyrdi leh i rta man i iwa 40-42 snem. Da ong u leh wa i pynyinsur ka sorkar jylla cha ka 37 snem ya kiwa yaleh kreh man i kyrkhu ya ki khynnah kiwa stat wa tip deiwa e daw wa boonsien ki khynnah na palat-sor lai skur ki manda heh i rta wei pyndep ki ya ki kyrdan puræ wa heh toh manda heh i rta ki katwa kamtæ ini i pynheh rta man i kyrkhu.
Ka sorkar Meghalaya toh u em ko ya ki Policy ha ka MPSC wa ki DSC toh u pyndep yei thung kreh hapoh chi snem nadooh wa pynmih ya ka Advertisement, ka Written Examination, ka Personal Interview wei hadooh ka Result wa ka Appointment, neibhah ha ka Exam em ki khynnah wa Fail wei kam kini daw ye ki wow pynjanai ya i rukom pynkhreh yong ki kat hadooh wa poi ki ha i kyrdan wa jop.
