Ka scheme sorkar wow e sumar mynkna ya kiwa punkhon

Jowai : Ka Sub-Divisional Officer (Civil), Amlarem ka kong Isawanda Laloo, IAS ynne ka 9 tarik u Khonchonglad da pynbna paidbah ko ya ka scheme wow e yarap ya ki kynthai wa punkhon kawa tip ka Pradhan Mantri Surakshit Matritva Abhiyan Yojana PMSMA ha Jarain PHC Amlarem Sub-division.

Kani ka PMSMA toh ka scheme sorkar wa da pyllait da u Prime Minister ka ri India u Narendra Modi wei da pynkrehkaam ya ka nadooh  9 Naiynru 2016. I thmu kani ka skhim toh yow kyntu yei chait i khiah ki kynthai wa punkhon deiwa pynyoh ya ki i sumar wa paka khamtam ya kiwa dooh.

U Additional DM&HO Dr. M Talang ong u i daw wa pynbna biang ya kani ka skhim toh hadien wa yoo ki, wa duna ki manbei wa punkhon wa wan chakhmat u phah sumaar næ leh ya ka Medical Checkup.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka sngi wa pynbna ya kani ka scheme da pyllai da ka District Health Society, West Jaiñtia Hills ha Jarian Public Health Centre. Ka kong Isawanda Laloo SDO ka Amlarem da man ko kam ka kongsan, hei emlang  ka M&HO I/c Jarian PHC ka Dr. B. Sutnga, ka Dr. K. Choudhary O&G napoh Dr. Norman Tunnel Hospital, wa kiwi ha ka yalang wa pyllai da u Additional DM&HO Dr. M. Talang.

Da sdang ya kani ka scheme hadien wa chem wa boon ki kynthai wa punkhon jooh khlad ki heipor kha khon neidaw wym yoh ki i sumaar wa paka nadooh wa dang punkhon ki, kam iwa ku BP, wa duna snaam wa kiwi, heijooh i por ki khonboo leh boon kiwa khlad hadien wa kha ya ki neidaw wym biang i sumaar ya ka manbei heipor wa pun.

Hapoh kani ka scheme Pradhan Mantri Surakshit Matritva Abhiyan, ki kynthai wa punkhon u yoh ki waroh i jait Medical Checkup dei mynkna itæ toh nadooh wa dap 3 bnai i khon hapoh kpoh hadooh wow dap ki 9 bnai wei u wan leh Medical Checkup ki leh man u bnai ha ka 9 tarik ha waroh ki thaw sumar yong ka sorkar.

Lyngba kani ka scheme da yooluti wow pynduna i khlad ki khonboo kamjooh ki manbei, wei u sikai leh ya kiwa punkhon u tip ki yeiwa emkaam u leh ki heipor wa dang pun yei khonboo wei u man ki kiwa da pynkhreh chwa wow kha katkam i batai ki doctor iow lait nei jia wa sñiawsih.

Ka kong Isawanda Laloo SDO Amlarem hei klam kam ka kongsan da yaroh ko yei em kam kani ka scheme ka wow e yarap ya ki paidbah yow yoh ki i chait i khiah neibhah i por punkhon toh iwa emkaam wa kyrpang tam iwa haap u syndong nadooh i baam i dih, i lai i wan, i thiah wa kiwi kiwi, kamtæ kyntu ko ya ki manbei u wan ki chakhmat yow yoh ki i punkhon wa i kha iwa miat.

Hadien wa kut ka yalang da em won i e checkup wa mynkna ya ki manbei hapoh kani ka PHC.