Ka sorkar jylla lyngba ka chnat Meghalaya Urban Development Agency (MUDA) da pyntip ko wa da em ka Scheme ka sorkar pyrdi kawa tip kam ka Pradhan Mantri Street Vendor Atamnirbhar Yojana kawa pynkrehkaam da ka Ministry of Housing & Urban Affairs kawa e ram neibynta kiwa chongdai madan, chongdai rood sarok yow yarap ya ki neibynta i khih i khan ki.
Hapoh kani ka Scheme ye wow chim ram nadooh Rs. 10,000 neitæ Rs. 20,000 wa Rs. 50,000 khlem da emkaam wow pynchah bynda da iyi iyi.
Ya kiwa su tista yaka ram daw yoh duna ki 7% naka sut wa da su ki wei daw ye leh wow chim ram da kawa heh ya kitu kiwa ye u sut lut ya kawa da dep chim ki.
Ya ka ram hap su man-u-bnai wei toh u pyndep hei por wa chi snem.
Ka ram wow e nyngkong man ko Rs. 10,000 wei kitu kiwa ye u su khlem pynslem daw ye ki wow chim sa Rs. 20,000 wei hadien kani sa Rs. 50,000.
Kani ka Scheme da man ko kyrpang ya kitu kiwa wan chongdai ha chnong Jowai hanla man ki kiwa wan na kiwi ki chnong leh hoi i u yaleh ki.
Yow yaleh kani ka Scheme ye wow lai cha ka yung krehkaam ka Jowai Municipal Board deiwa rah lang waka EPIC Card, Aadhaar, PAN Card, Passbook deilang wa ar tylli ki dur Passport Size.
Manda ong kiwa chongdai mut ko nadooh kiwa tyrwa mar cha rood sarok, kiwa dai kwai, kiwa dai jhoor, kiwa ah sniooh, kiwa pynchna juti, wa kiwi kiwi.
Yow tip bniah ye phi wow Phone ha ini i Number-7005231239.
Discussion about this post