Ka sien wa 12 u yaleh Election wei ini toh i dak wa kwah wow yada jaitbru: Moonlight Pariat

Ynne ka janmiet u kyrtong samen cha ka JHADC na Jowai South, u Moonlight Pariat da pynman u ya ka yalang paidbah ha Yungwalieh ka Panaliar, Jowai heiwa ya ka yalang da pynlai da u Waheh Chnong ka Panaliar, u Riquoma Rq Laloo.

U Moonlight hawa e i klam da ong u wa kani toh ka sien wa 12 wa yakhun Election kiwa kynthup ya ka MDC wa MLA wei i daw hi toh wa ka ri wa ka jaitbru em ko hei maa katni wei emkaam ya u bru ha District Council wow yada ya ka jaitbru, i hok ki paidbah khamtam ya ka dustur ka riti.

Da ong u wa ka JHADC katni man ko kawa da oor, deiwa pynkynmoo wa ha u 2019 da ong u ya ki paidbah wow jied ya ki bru wa ye u kreh ya ka Council tangwa hadien ki 6 snem da yoo wa da haap da oor ko phrai deiwa ong wa ki MDC ha ki 6 snem wa dadep toh kiwa yap thiah.

Da ong u leh wa ka Para 12(A) ka 6^th Schedule man ko ka moochynthut ya ka District Council wei kdoh khoom ko ya ki kamjooh ya ki MDC wow lai paan yarap Scheme na Delhi, deiwa kdaw wa heipor wa i em ki Scheme waroh lai chwa ki cha ka sorkar jylla.

Related posts

Wan pynthut ki Karbi ya ka yalang yalap Election u DS War ha Mokoiram

February 11, 2025

Da ki hajar tooid ki paidbah cha ka yalang u Thombor Shiwat ha Bambthong

February 11, 2025

Chooh chooh da maham u wa i thmu ki heh spah ka ri katni toh wow pyndooh ya ka 6^th Schedule wei waroh kyruiñ ki cha thaaiñ chaneiñ mihsngi neibhah kani ka thaaiñ man ko kawa mahajon khamtam ha ki mar pohkhyndaw katwa kamtæ deiwa pyndam ya ka daw ye ki wow wan u leh u khih u kreh katwa ngait.

U Moonlight da kyntu u ya ki paidbah wow man kiwa syndong kiwa husiar chwa wow jied ya kiwa mihkhmat neibhah kamwa man ha kini ki 5-6 snem wa dadep da yoo da chynna kammon man ka JHADC.

Da ong u wa ka sorkar wa yahkhmat da ka NPP wa ka UDP ha u Kmaichonglad (Dec) 2024 da wanrah ko ya ka aiñ wow pynsuk wow pynjem ya ki aiñ thaw heiwa ki heh spah na baar jylla daw ye ki wow thied thaw katwa ngait katwa kiwa em ha ka sorkar daw yoh myntoi ki samen.

Chooh chooh da yaroh u ya kiwa kreh ka JHADC wa hadooh kattu wa chah pyndooh tulop ki hanla kattæ leh khih kreh ki wei ini i dooh tulop ki toh neidaw wym chemsap ka Executive Committee.

Da kdaw u leh wa hawa leh ya ki Land Holding wa ka Patta da ki snem chimpor, deiwa e nongmuna wa ki Surveyor hawa lai sorjamin ki daw hap su ki paidbah ya ki ka bai luti neibhah wym em poisa ka JHADC.

Heijooh i por da ong u wa ha u 2022 ka JHADC hapoh u Thombor Shiwat da e Notice ko cha ki dukan samen wow su dan noh ki, kamtæ da khut ya ki yalang wei heitæ da sai ya ki kot wa soi heipor wa man CEM u HB Dan heiwa da em i yasuk hapyrdi ki tre dukan wa ka District Council wow pynyoo yei mantre yong ki ya ki dukan wei ym emkaam u su dan ya ka JHADC.

U Moonlight da kdaw u wa hawa synchaar da ki bru na baar Jowai, kajiak chisien kai mombati dang khian i kat dang lai ki por deiwa e nongmuna ya ka Jowai Central kawa man ka Constituency kawa da chah pynwiar.

Da ong u leh wa kawi na ki thong wa hakhmat dooh toh wow yoh ya ka Direct Funding namo ka poisa na Delhi lyngba ka sorkar pyrdi cha ka District Council wei na ka Council won u lai won cha ki Local Council deiwa pynchiap ya kani ka kyndon ha ka 6^th Schedule ka riti synchaar ka ri.

Kamtæ da kyrpaad u ya ki paidbah wow kyrchaan ya oo ha kani ka kynti sa chisien deiwa chon ha ka chaap u Moolangnai khnang wow ye u pyndep ya ini iwa da thrang u wei dep neitæ oo leh da hun u wow chongngiah noh.

Ha kani ka yalang chwa wow klam u Moonlight Pariat da yoh leh i klam na u Kynsai Bareh.