15 49.0138 8.38624 1 0 4000 1 https://wyrta.com 300 0

Ka sorkar Assam ye ko u phah uiñ ya kiwa ymtoh ki tre ri

0 Comments
Advertisement ad1

Delhi: U montri khynnah ka sorkar pyrdi uwa pait ya ki kaam pohyung, u Nityanand Rai ynne hawa e jubab dei thoh hajrong ka National Register of Citizens, ha Rajya Sabha da ong u wa ka National Register of Indian Citizens (NRIC) da pynthymme ya ka ha jylla Assam hapoh ki kyndon ka The Citizenship Act, 1955 wa ki kyndon wa em ha ka Rule 4A of The Citizenship (Registration of Citizens and issue of National Identity Cards) Rules, 2003.

U montri khynnah da ong u wa ka Draft NRIC wa pura ha Assam da pynmih ya ka ha ka 30 Naiynñiaw 2018 wei ka NRIC wa khaddooh won da pynmih ha ka 31 Naisaphra 2019 hadien wa dadep bichaar ya kiwa ym hun ya ka Draft.

Advertisement ad1

Da ong u leh wa kiwon kiwon ki bru ki wym pdiang ya ka bichaar ye ki wow lai ujor biang ha jar jiar ki Foreigners’ Tribunal wa da booh hapoh ka The Foreigners (Tribunal) Order, 1964, hapoh 120 sngi nawa pynmih ya ka Draft.

Hajrong i phah uiñ (Deportation) biang ya ki wym em u mih pyrtuid u jia i du hadien ka rai na ki Foreigners’ Tribunal deiwa pynrap wa i bor wa ekti ha ka sorkar pyrdi wow phah uiñ ya kiwa ymtoh ki tre ri katkam ki kyndon ka Foreigners Act, 1946 ka sorkar Assam leh da embor ko wow leh kamni katkam ka Article 258(1) ka riti synchaar ka ri wei ye ko wow phah uiñ ya ki bru hadien wa da pyntikna wa mantre namo ym em.

Advertisement ad1

0 Comments

Leave a Reply