U Symbood Montri Rangbah ka jylla, u Prestone Tynsong da ong u wa ka sorkar da phah ko ya ki pulit yow pait wym em iwon iwon i jia wa ktah yei suk i saaiñ nei mih lai paidbah wa da khut pynman da ka Federation of Khasi Jaintia and Garo People (FKJGP) ynne ka sngi.
Ini i klam u Prestone toh hadien wa da kylli hajrong i wym ye ki pulit wow kdoh u khoom yei chah dat kiwa lai wa yieñ ha kiwa boon ki thaw ha sor Shillong heipor wa dang lai ya ka Rally kawa da sdang nadooh Motphran cha Madan Ïewrynghep .
Hawa kylli chooh chooh, da ong u wa ka sorkar da e bor ko ha ki pulit wow leh ya iwa emkaam katkam wa chah ka aiñ, wei hadien wa da yoh ya waroh i yutip wa bniah na ka chnat pulit neiliang ka sorkar daw chim ya ki luti wa toh.
Ha iwi i liang u Prestone da ong u wa kiwon kiwon ki seiñ ye ki wow pynman yei lai paidbah, tangwa toh u kdoh u khoom ki leh ya ki para dkhot, neibhah ka sorkar ym kwah ko wow mih iwon iwon i jia wa ktah yei suk i saaiñ.
