U Montri Rangbah ka jylla, u Conrad K Sangma ynne da ong u wa ka sorkar da pynkhreh ko yei lehkmen dap 50 snem ka jylla ha u snem wow wan wei ya ini da ong u heipor wa wai ya ka yungskur thymme ka St Andrew’s Secondary School Block, Reking, North Garo Hills hei emlang u Dy. Speaker, u Timothy D Shira, ki MLA u Rupert Momin wa u Pongseng Marak, heiwa da pyntip u wa da khut ya u Montri Rangbahdooh ka ri wow wan sakhi ya ini i lehkmen.
Da ong u wa ka sorkar jylla da rai ko wow pynku kyrdan ya ki thaw puræ nadooh ki skur hadooh ki College.
Da pyntip u leh wa ka sorkar da pynlait ko mar T. 12 klur ya ki College ha Williamnagar wa Baghmara ya kiwa daw dep chna ha u snem wow wan.
Chooh chooh da pyntip u wa ka Model College ha Rongjeng, East Garo Hills da jan dep ya ka wei daw wai ya ka ha ka sngi dap snem ka jylla ha u snem wow wan.
U Conrad da ong u wa hajrong i duna kiwa pyndep (Psaa) ha ki Secondary wa Higher Secondary, neiliang ka sorkar da kreh ko wa ki bor skur wow pynmiat ya i rukom esikai.
