Ynnin ka sngi da wai ka ka yung krehkaam ka One Stop Centre ha Khliehriat kawa man ka yung kawa kreh kyrpang du neibynta i hok ki kynthai wei ya kani ka yung da wan wai da u montri ka chnat Social Welfare ka jylla, u Kyrmen Shylla.
Kam ha kini ki sngi wa dadep hadien wa mih i jia wa chah tynyap sa kawi ka khynnah kynthai ha East Jaiñtia Hills iwa da pynman ya ki seiñbhalang wa ki dorbar chnong wow pynsñiaw yei sñiawkhia hajrong kini i jia.
U Kyrmen ynnin ka sngi hawa e ya i klam heipor wa wai ya kani ka yung krehkaam da pynsñiaw u yei sñiawkhia hajrong ki kaam wa man pyrchah ya ki kynthai wa ki khynnah.
Da ong u wa ka sorkar katni da yaleh bha ko wow pyntikna wa chongsuk chong chngaaiñ ki kynthai khynnah ha ka jylla deiwa kyntu ya ki paidbah wow pynche wow pynsñiawthooh ya ki kynthai wow tip ya ki hok yong ki wei ha kiwon ki thaw wa ye ki wow lai wow yoh yarap ki deiwa e nongmuna ya kani ka One Stop Center.
Hajrong wow pyndooh ya ki kaam wa man pyrchah ya ki kynthai da kyntu u ya ki paidbah ka District wow kreh chirup khnang wow ye u pyndooh ya kam kini ki kaam neibhah wa ki kynthai leh em ki ka bynta wa kongsan ha ka imlang sahlang wei emkaam wow burom ya ki.
