theme-sticky-logo-alt
theme-logo-alt
Advertisement ad1

Ka sorkar daw pynman kaam bait ko ya ka Smart City: Hamletson Dohling

Shillong: U montri ka tnat pynroi sor ka jylla, u Hamletson Dohling da ong u wa ka sorkar daw lai ko chakhmat ya ka Smart City hanlada em i duna ha i liang ka poisa poilaiñ deiwa pynrap wa daw thooh ya ki laad ki luti wow yoh yarap na ka sorkar pyrdi.

Yeini da ong u Hamlet hawa jubab yeiwa kylli u MLA ka Mawlai, u Process T Sawkmie ha yung dorbar ynne ka sngi, u Hamlet da pyntip u wa katni dang pynkhreh wow chna ya ka Special Purpose Vehicle (SPV), wow pynbiang ya kiwa kreh.

Da ong u leh wa hapoh ka Smart City, da mang wow pynlut poisa mar chiteiñ hapyrdi ka sorkar jylla wa ka sorkar pyrdi, wei da em i yaklam wow pynyinsur yeini heiwa ka sorkar u e ko 90 percent katwa ka sorkar jylla won u e ko ya kawa sah.

U Hamlet da ong u wa hadooh wa kut ka tayaw wa-ar Naichiphaw, da yooluti wow sdang noh ini i krehkaam wei da tyrwa wow chna thymme ya ka sor Shillong hapoh ka Scheme Smart City i wow kynjoh hadooh T.1039 klur.

Ha iwi i liang, u Montri Rangbah u Conrad K Sangma da ong u wa hanlada kani ka kaam man ko kawa jwat khamtam heiyatoh wa ka kaam poisa poilaiñ neibhah ka jylla duna poisa ko, tangwa ymtoh u man ko u moochynthut wow khang laad ya ka Shillong wow yoh ya ka Smart City.

U Conrad da pynrap u deiwa ong wa daw thooh ki laad ki luti wow pyntikna wa ka Shillong u man ko ka Smart City.

Advertisement ad1
Share this:
Previous

Ha u Wisu u snem wow wan u pyndep ya ka thaw pynyieñ bus ha Mawiong

Next

Dang chong bichaar ka sorkar wow pynku kyrdan ya ka Laskeiñ C&RD Block: James Sangma