15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka sorkar emkaam chwa ko wow pynbiang ya ka imlang sahlang ym yoh u tuklar ko ya i kaam tih mar pohkhyndaw: JHTOA

0 Comments

Jowai: Ka seiñ Jaiñtia Hills Truck Owners Association (JHTOA) da sniawphylla ko yei raikut ka sorkar jylla wow wanrah ya waroh ki kaam tih mar pohkhyndaw hapoh ki kata yong ka neibhah ka tih mar pohkhyndaw toh ka kaam paidbah ym toh ka kaam sorkar.

Da man ko kawa bha lada u ym lai bakla u deiwa poi u Montri Rangbah cha ka thaw ki paidbah neibhah nadooh ki por ka British East India Company wan ko nyngkong wow khayi tangwa hadien da synchaar ko ya ka ri India wei da pynman bro ko ya waroh ki tre ri.

Advertisement ad1

I thmu u Montri Rangbah wow pynemkaam da ka MMDC wow psiah cha ki paar moo ki bru samen iwa man i hok ki tre thaw ym em pher ko neiwa leh ki phareng wei du kiwa khwan samen donhi wow tooh yei hok ki paidbah.

Deiwa e laad ya ka MMDC wow mantre ko ya ki mar pohkhyndaw daw poi chei knieh thaw yong ki hajar ngut ki bru wei daw chah khnion ki leh hadooh wow dooh khih dooh khan ki khamtam kiwa kamai im ja na ki truck neibhah manda wan da ka Company da em ko ki yong ka hi ki truck wow kit mooyong.

Da e nongmuna deiwa ong wa ha Bihar wa Jharkhand da jia ini heiwa pyn-ar ki jylla toh kiwa mahajon ha ki mar pohkhyndaw tangwa ki paidbah ym em hok ki ya ki wei da mih leh ki kaam bamtooh wa chyrkhei.

Iwa leh ka National Green Tribunal toh iwa yang donhi ya ka sorkar jylla wow pynbiang ko ya ka Mining Plan wa ka Mining Policy nadooh ka 17-04-2014 tangwa u Montri Rangbah da pynchitom pathan u ya ki paidbah deiwa dam u pynkhreh ya kini wei katni won da thmu u wow tooh yei hok ki paidbah.

Ka sorkar hei thaw wow pynbha pynmiat ko ya ki luti syngkeiñ, u pynbiang ya ka um baam um dih, ki thaw sumaar wa ki thaw puræ da pyrchang pathan ko wow kamai poisa na ki mar pohkhyndaw.

Previous
Next

0 Comments

Leave a Reply