15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

I jop ha ka Election chong ko ha ki kyrtong ym toh ha ka Party: Vincent Pala

0 Comments
Advertisement ad1

Shillong: U MP ka Shillong Lok Sabha Constituency, u Vincent Pala da ong u wa i jop i rem ym em chong ko ha ka Party, chong ko ha u kyrtong heipor wa da ong u leh wa ka Party Congress ym pu em dep ko u jied ya waroh ki kyrtong yong ka ha kani ka Election wow wan.

Da ong u leh wa ki kyrdan puræ puthi kamjooh i chemphang ha ka synchaar khadar emkaam bha ko deiwa e nongmuna u ya u Andrew Shullai (MBA), George Lyngdoh (Engineer), Jopthiaw Lyngdoh wa u Himalaya Shangpliang waroh ar wa man kam ki IAS.

U Shullai daw yakhun u na Jowai heithaw u Dr. R.C. Laloo, u George daw yakhun u heithaw u Ngaitlang Dhar na Umroi, u Jopthiaw daw yakhun u heithaw Sniawbhalang na Nartiang katwa u Shangpliang won da yakhun u heithaw u P.N. Syiem na Mawkyrwat.

“I da yoo luti i wa daw yoh ya kiwa biang dooh ki kyrtong wei u pynyieñ leh ya ki snaam wa thymme kamjooh kiwa dang khynroo wei ka Congress ym hiar kyrdan ko wei ym man ko kawa suk heijooh i por wa ye u man,” da ong u Vincent.

Da ong u leh wa rap slem u sdang u yalap Election toh neidaw wa jied ya u Rahul Gandhi kam u President ka Congress President ha kani ka tayaw wa da dep wei kattu waroh ki kaam u lai ki chaaij chaaij cha khmat nadooh wow pynbiang ya ki yurim election wa kiwi kiwi.

Hei yatoh won wa i bor ka poisa heipor Election, u Vincent da ong u wa, uwa yahkhmat ka Hill State People’s Democratic Party (HSPDP) u (T) u Hoping Lyngdoh da jop Election u neidaw wa maya ki paidbah ya oo ym toh da i bor ka poisa.

Da klam u leh chaphang ki Party thymme wa wan chapoh ka jylla kam ka National People’s Party (NPP), BJP waka People’s Democratic Front (PDF) deiwa ong wa ka BJP da pynyoo ko yei bor ko na ki bru wa psiah cha ka.

Advertisement ad1

0 Comments

Leave a Reply