U Rikut Parien uwa man kam u General Secretary ka District Congress Committee wa u President ka 4-Mowkaiaw Block Congress Committee ynne da ong u wa hanla ki bru ka Party man kiwa da mih seiñ kiwa da khihwin ha kylleiñ ka jylla tangwa hapoh Ri-loom Jaiñtia won dang man ki kiwa em bha ha ka Party.
Da ong u wa ka sorkar MDA toh kawa thombor wei ki paidbah da bichaar bha ki ya ki sorkar wa yahkhmat da ka Congress wa ka sorkar MDA kawa katni toh kawa thombor wei lehbor ya kiwa chong chnong khlem pyrkhat jngai ya ka mynstep mankawi la ha i kaam pood, i chait i khiah, i synchaar khadar.
U Rikut da kyrpaad u leh ya ki paidbah ki ar District (East wa West Jaiñtia) kamjooh ka jylla hi waroh kawi wow em i bahkhlieh hadooh wow jied ya kiwa mihkhmat ki wow chna ya ki kyndon ki aiñ ha ka Dorbar Chna Aiñ ka jylla.
Kamtæ da kyntu u ya ki paidbah wow e i kyrchaan ya ka Party ha ki snem wa ki por wow wan khnang wow ye ko u yada ya ka chnong ka thaw wa ka jaitbru hi waroh kawi.