Ka sorkar MDA u neh ko haddoh wa kut ki san snem, da dep yaklam wa ka BJP wa UDP: Conrad

U Montri Rangbah ka jylla uwa man leh u National President ka NPP, u Conrad K Sangma, da ong u wa kani ka sorkar MDA-2 daw pyndep ko ya ka samoi hadooh wa kut ka san snem kamwa da pynkup ki paidbah ka jylla.

Hawa klam ynne hadien wa rem waroh ar ngut ki kyrtong MP ka Party na Shillong wa na Tura, u Conrad da ong u wa ynne ka sngi kiwa yahkhmat ka UDP wa BJP da yachem ki ya oo heiwa da pynskem yow pyndep yei chakri ya ka jylla wa ki paidbah hadooh wa kut ka san snem.

Ha kani ka yalang da yaklam leh ya kiwa boon ki phang ha ka jylla, wei da ong u wa hap wow pdiang yei rai yong ki paidbah katkam iwa mih ha ka MP Election tangwa ka NPP u yahkhmat ko ya ka sorkar kamwa ki paidbah da rai ki ha ka MLA Election ha u 2023.

Da e khublei u leh ya ki paidbah ka Garo Hills kiwa da e i chaniah ha ki 46 snem wa da yahkhmat nadooh i por u pa u, u Purno A Sangma.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Ha iwi won i liang da ong u wa i ktien baam tooh toh iwa da pynemkaam da ki bru man-ka-sngi ha kini ki sngi hawa em iwon iwon i kaam hanla ym em iwa sakhiat.

Da ong u leh wa dang ini wa dep da em i mih khubor wa em i baam tooh yei chna ya ka thaw sah kiwa uiñke suwari ha Garo Hills, iwa man i pynbaad wa khlem yurim iyi iyi wei ini i ktien baam tooh toh iwa suk bha ki bru wow pynbaad khlem iyi iyi wa sakhiat.

Da pynkut u deiwa ong wa ka sorkar ym em ko iyi iyi wow murieh wei daw krehkaam deiwa che ki paidbah.