Shillong: Uwa yahkhamat ka Congress uwa man leh u MP na Assam, u Gaurav Gogoi da pynbaad u wa ka sorkar National Democratic Alliance (NDA) wa yahkhmat da ka BJP man ko ka sorkar neibynta ki heh spah hanlada kam ko leh wa yieñ ko neibynta kiwa dooh wa duk.
Hawa yaklam wa kiwa pathai khubor ha Shillong u Gogoi da ong u wa i kam u montri rangbahdooh ka ri u Narendra Modi wa ka sorkar NDA toh neibynta kiwa dooh wa duk tangwa manda poi ki heibor da kreh ki du neibynta kiwa heh spah wa kiwa baam tooh.
Da ong u wa ha u snem wa nyngkong, ka sorkar NDA da wanrah ko ya ka Bill wow chim ya ki thaw ki warep wow e cha ki heh spah, ha ka sien wa ar da yarap ki ya u Lalit Modi wow yut cha UK, ha kawa le won da tynyap ya ka poisa wa rim, kawa da ktah ya ki duk ki suk hadooh wa da dooh yei mynsien ki spah ngut, wei da pynrap leh wa i kam wa da wanrah hadooh 99.03 percent ka poisa tooh (Black Money) pynyoo wa ya kani ka poisa da pynkylla yabor cha ka poisa wa hok (White Money) wow pynyoh nong ya kiwa baam tooh wei katni ka rukom thied ya ki lieñsuiñ yasiat næ ka Rafael Deal toh kawa da pynyoh nong da ki phaw klur ya ki heh spah.
U Gogoi da kyntait u wa wa kani ka yalap pyrchah ya ka sorkar wa yahkhmat da ka BJP toh neibynta wow yoh nong ha ka Election cha ka dorbar Parliament ka wow man ha u snem wow wan.
Da ong u wa boon bha ki daw wa ki paidbah daw kyntait ki ya ka BJP ha ka Election MP 2019 neidaw waka BJP khlem pyndep yeiwa kular ko ha u 2014.
Neiliang yong kiwa yahkhmat ka Meghalaya Pradesh Congress Committee (MPCC) wa kynthup ya u President, u Dr. Celestine Lyngdoh wa uwa e ktien ka party u Zenith Sangma da ong ki leh wa ka sorkar u Modi ym em ye ki u pyndep ya ki kular yong ka.
U Zenith da ong u wa ha i por wa synchaar ka UPA wa yahkhmat ka Congress, ka BJP da man ko kawi na kiwa pyrchah yei ku dor i petrol tangwa katni won katwon sien da pynku ya i dor Petrol wa i phniang charak kawa da ktah ya kiwa dooh wa duk.
Discussion about this post