Ka sorkar pyrdi chna aiñ ko neibynta waroh ka ri, lada pynlait ya ka kyndon tih mooyong ya kawi kiwi ki jylla leh daw paan ki yei jooh

U Montri Rangbah ka jylla, u Conrad K Sangma hawa jubab yeiwa kylli kiwa thoh khubor heiyatoh wa ka kyndon wa emkaam 100 Hectare yow tih mooyong, da pynche u wa ya ka sorkar India ymtoh iwa suk manda chna aiñ ko neibhah manda chna aiñ da chna neibynta waroh kawi ka ri.

Wei manda chna aiñ ki man iwa eh wow chna ka aiñ wa kyrpang ya ka Meghalaya næ neibynta ka 6^th Schedule neibhah lada kamtæ kawi pa kawi ka jylla daw dawa ki iwa kyrpang neibynta yong ki.

Kamtæ da ong u wa heitu i por hawa em ka kyndon 100 Hectare, heithaw wow yania wei wow dawa pynkylla ya kani ka kyndon, neiliang ka sorkar da sñiaw ko wa emkaam wow lai chakhmat yow ye u sdang biang yei tih mooyong hapoh ka jylla heiwa da em leh kiwa yoh License.

Related posts

Lait kreh ha Jowai Public School wa ha Kiang Nangbah Govt. HS School

April 16, 2026

Khlem em ki kyrtong wa yaleh pyrchah yoh President, Vice President wa General Secretary wa thymme ka KSU

April 16, 2026

U Conrad da ong u wa ka thong kattæ toh yow pynkylla noh ya kani ka kyndon wei da yooluti u leh daw yoh yei jubab wa biang, wei yow yoh ya kani da emkaam bha wow yaklam wa ka sorkar pyrdi hadooh ki Montri ka sorkar India hadooh u Prime Minister wei yeini waroh toh iwa da leh tangwa daw chim por neibhah ymtoh iwa suk wa lada kawi ka jylla yoh ko kiwi leh daw kwah ki yei jooh.

Heiyatoh won wow tih mooyong deiwa leh da ka Open Cast Mining, u Conrad da ong u wa em iwa bha wei em iwa sih, kamtæ emkaam ya ka Mining Plan wei yeini daw pait da ki bru ka sorkar pyrdi wei wot hapoh ha ka pyrthai leh dang em i yaklam wa lada ka Open Cast Mining toh kawa bha.