Khlem em ki kyrtong wa yaleh pyrchah yoh President, Vice President wa General Secretary wa thymme ka KSU

Ka Khasi Students’ Union (KSU) da yoh chwa ko ya 3 ngut kiwa yahkhmat dooh ka seiñ neibynta ka samoi krehkaam 2026-29 kiwa da jop khlem da em wa yaleh pyrchah.

Ka Election Committee ka Khasi Students’ Union (KSU) ynne ka sngi da pynbna ko ya u Raymond Kharjana u wow chimkti kam u President wa thymme ka KSU khlem da em kiwi ki kyrtong wa yakhun pyrchah ya oo ha ka Election yong ka Central Executive Committee (CEC), kawa daw pynman ha ka 9 tarik u bnai wow wan.

Najrong i kaam President, sa ar tylli ki kaam kiwa da pynbna wa jop khlem da em kiwi ki kyrtong wa yaleh pyrchah wei kini toh neibynta i kaam Vice President wa General Secretary, heiwa u Pynkmenlang Sanmiet uwa man kam u Research Scholar heiyatoh wa ka aiñ u chimkti u kam u Vice President wa u Reuben Anderson Najiar uwa man kam uwa pyndep ya ka Law Graduate u wow chimkti kam u General Secretary ka KSU.

U President thymme ka KSU, u Raymond Kharjana toh u Graduate ha ka Computer Application.

Related posts

Ym em de maap wot ya ka Bus wa chong ki bru paidbah

August 19, 2026

Chah thang ka kari sorkar ha Mawlai Nongmali

August 19, 2026

Ka Electon Committee, kawa da thung da ka KSU-CEC yow pynlai ya ka Election, ha ka 15 tarik uni u bnai da pyndep ko yei bichaar ya ki kot ki sla yong ki 38 ngut ki kyrtong ki wow yakhun ya ki 10 tylli ki kaam ha ka Election jied ya kiwa mihkhmat ka CEC ka KSU.

I thap Vote ya kiwa dang sah daw pynman ha Dinam Hall, Jaiaw nadooh 7:00 waje i step hadooh 3:00 waje i sngi ha ka 9 tarik u May 2026.