U Montri Rangbah ka jylla, u Conrad Sangma ynne hawa yaklam wa u Wyrta wei hawa jubab yei mih i dawa ka wow phah takit da ka CBI yeiwa jia ha chnong Mukroh, da jubab u deiwa ong wa mar hadien wa jia ini da lai u deilang wa ki Montri sorkar wow yachem wa u Montri ki kaam poh yung ka ri u Amit Shah ha Delhi yow dawa takit da ka CBI wei u Shah leh da pynsñiaw u yei mynjur tangwa ymtip won ileh wym em da leh ka sorkar pyrdi yeini.
Kam wow pynkynmoo wa ha itu i por leh ka sorkar Assam da dawa ko wow takit da ka CBI yeiwa jia ha Assam heiwa da em leh uwi uwa kreh kam u Forest Guard ka Assam uwa da khlaad ha ini i jia.
Kamwa man kattæ, u Conrad da ong u wa kawon kawon ka takit wa leh da ka wym em noh chiliang daw kyrchaan ya ka.
Heiyatoh won yei wym em wa lai mihkhmat naka sorkar Meghalaya hakhmat ka Inquiry Commission ka Assam heipor wa wan ko ha Shillong, u Conrad da pynche wa ymtoh iwa toh neibhah yaklam bait ki waka sorkar Assam tangwa ini wa wan ki ha Shillong emkaam wow bood da ki rukom wa toh.
Da ong u leh wa ki heh ka sorkar ka Meghalaya na ki por cha ki por da yaklam ki wa kani ka Commission ymtoh wym jooh em yaklam næ ym bien u yachem wa ki wei da ban joor u wa em ki rukom wa hap u bood hawa leh ya ini neibhah kini ki Commission toh kiwa heh kyrdan bha wei iwon iwon wa leh hap u leh katkam ka rukom wa toh u leh.
Kamtæ da ong u wa ymtoh iwa sakhiat wym em bien u yaklam waka Inquiry Commission ka Assam wei ye u man wa ha katu ka sngi ym em bru wa wan mih neidaw wym em bood ki ya ka rukom wa hap u bood tangwa kut wa leh dei rukom wa biang da lai yachem bait wa kiwa na Assam.
Puræ leh: Da ka CBI u phah takit yeiwa jia ha Mukroh
Discussion about this post