U Montri Rangbah ka jylla, u Conrad K Sangma ynne hawa e yei klam ha ka 61st Bodo Sahitya Sabha ha Tamulpur, Assam da ong u wa u pa u, u (T) PA Sangma toh uwa em bha i sñiaw ya kiwa dooh, da kynmoo u wa heipor wa man u kam u MP, da rah yaklam u ya ka phang wa yatoh wa ka Bodoland ha Parliament. Heiwa da ong u wa kamwa maya u ya ki Bodo, ki Bodo leh maya kylliang ki ya oo.
Da pyntip u leh wa daw chimbynta u ha ka PA Sangma Memorial Lecture ha Bodoland University ha ka tayaw wow wan.
U Conrad da yaroh u leh ya u President ka ri India wa da embynta u ha ka yalang kamni iwa pynyoo yei sñiawkhia u ya ki Bodo wa ki jaitbru ka thaaiñ mihsngi.
Da yaroh u leh ya u President uwa da wan langær cha thaaiñ mihsngi ka ri iwa pynyoo wa ka sorkar pyrdi hi kheiñkor ko ya ki jaitbru wa khian paaid ka ri wei wa emkaam wow yada ya i ktien wa klam ki jaitbru khian paaid ka ri.
Chooh chooh da e khublei u leh ha u Montri Rangbahdooh ka ri, u Narendra Modi wa chimkhia u wow pynneh wei wow pynkhlan ya ki ktien wa klam ki bru.
