Ka sorkar pyrdi kwah ko u pynmiat pynbha ya ki kaam uiñke suwari hapoh ka jylla: Alphons

Jowai: Ynne u montri rangbah ka jylla, u Conrad K. Sangma da yachem u ya u montri khynnah ka sorkar pyrdi (Union Minister of State) ya ka tnat Tourism, u K. J. Alphons chirup wa u montri ka jylla wa pait ya jooh ka tnat, u Metbah Lyngdoh ha yung krehkaam u Alphons ha New Delhi wow pynmiat pynbha ya ki thaw uiñke suwari hapoh ka jylla.

Ha kani ka yalang da yaphyllu yumut wa kammon u kyntu kynrong ya ka kaam uiñke suwari hapoh ka jylla wei da pyllai yumut ya ka Sohra, Umiam wa ka Eco-tourism kam ha Nokrek wa Balpakram National Park.

“Emkaam wow wanrah i ya ka kaam uiñke suwari katkam i rukom krehkaam ka Unique Selling Points (USPs) ha ka thaiñ, wei ka sorkar u yaleh ko wow kyntu kynrong ya kani ka kaam deiwa man salonsar wei kamjooh leh wow wailaad ya ki kaam rep wow ku ki chaphrang,” da ong u Conrad.

U Alphons da e yumut u ya u Conrad wow kyntu kynrong ya ka kaam uiñke ya kiwa yoh wa mahajon namo ka Luxury Tourism hapoh ka jylla deiwa chim kabu yeiwa da booh da e da ka Bei Rymaw. “Ka Meghalaya toh ka jylla kawa ka Ministry of Tourism kawa kwah bha ko u kreh wei u e yarap i ya ka timun tidiang hei wow kyntu kynrong ya kani ka kaam,” da ong u Alphons deiwa kular leh wow pait pyn da oo hi ya i chna ya ki sarok lyngba u Union Transport Minister.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijjooh i por u Alphons da pyntip u ya u Conrad chaphang ki 12 tylli ki thaw kiwa ka sorkar pyrdi thmu ko wow kyntu kynrong ya ka kaam uiñke suwari ha ka thaiñ mihsngi ka ri wa kynthup leh ya ka Sohra.

Da ong u leh wa ka sorkar pyrdi kwah ko u pynmiat pynbha ya ki krem hapoh ka jylla wow wanrah ya kiwa uiñke suwari na kylleiñ ka pyrthai deiwa kular leh wow pyndep ya waroh ki kaam kiwa yatoh wa ini hapoh ka jylla.