Guwahati: U montri ka Road Transport and Highways, u Retd. Gen V.K. Singh ynne da pynksan u yei angnood ka sorkar pyrdi wow wanrah ya ki kaam pynroi ha ka thaaiñ mihsngi wei yeini da ong u ha ka yalang India-Bangladesh Stakeholders Meet ha sorbah Guwahati heiwa da ong u wa ka yalang hapyrdi ka India-Bangladesh daw pynkhlan ko ya ka khayi pateiñ cha chiliang pood namo ka Cross Border Trade hapyrdi ki ar ri.
Da ong u leh wa ki Border Haat daw yarap bha ki wow pynkhlan ya i yatoh ha ka khayi pateiñ ki ar ri khamtam hapyrdi ka Bangladesh wa ka thaaiñ mihsngi ka ri neibhah kini ki yaaw daw yarap ki chiboon ya ki bru wa im ha khappood.
Neiliang u montri rangbah ka Assam, u Sarbananda Sonowal da ong u wa kani ka yalang daw pynku ko ya ka khayi pateiñ hapyrdi ki ar ri wei daw yarap bha ko ya ka thaaiñ mihsngi.
Da ong u leh wa kani ka yalang da man ko hadien ka soskular hapyrdi ka India wa Bangladesh – The Bhutan Bangladesh, India, Nepal Motor Vehicles Agreement and Access to Chittagong and Mongla Ports ya ki lieñ na thaaiñ mihsngi ka India.
Neiliang u montri rangbah ka Tripura, u Biplab Kumar Deb, da ong u wa i yohlaad wow pynemkaam ya ka Chittagong Port ha Bangladesh ym du u myntoi ko ya ka Tripura tangwa ka thaaiñ mihsngi hi waroh kawi.
Ha kani ka yalang da em 70 ngut na Bangladesh wa yahkhmat da u Tipu Munshi, montri ka chnat khayi hei emlang u Kenichi Yokoyama, Country Director, Asian Developmental Bank, u A.T.M Rokebul Haque, Deputy High Commissioner of Bangladesh to India, ka Riva Ganguly Das, High Commissioner of India to Bangladesh, wa kiwi kiwi.
Discussion about this post