15 49.0138 8.38624 1 0 4000 1 https://wyrta.com 300 0

Advertisement ad1

Ka sorkar toh u ebor ko ya ki pulit wow yakhun ya i dih drugs: Ampareen Lyngdoh

0 Comments

Shillong: Ka heh yong ka Party Congress ha Meghalaya kawa man leh ka MLA na East Shillong Constituency, ka Dr. M Amapareen Lyngdoh da ong ko wa ka sorkar toh u wanrah ko da ki Policy wow ebor chooh ha ki bru ka aiñ wow leh ki yeiwa emkaam ya ki bru kiwa pynemkaam drugs, lada man ki kiwa dai namo kiwa dih.

Hawa yaklam wa kiwa pathai khubor, ka Ampareen kawa man leh ka montri warim ka sorkar da ong ko wa hadooh katni ympu em kawon kawon ka Policy wow ebor ya ki pulit wow yakhun pyrchah ya i poor uni u mar dih pynmuaid uwa da pynsih dur ya ka imlang sahlang ha kani ka jylla.

Ka Ampareen da ong ko leh wa u montri wa pait ya ka kaam pohyung toh u rah yaklam u ya kani ka phang ha ka yalang ki montri, khamtam wow chimkhia yei laitlaan kiwa khayi wei dih drugs iwa wanrah yei maa ha ka imlang sahlang.

Chooh chooh da ong ko wa ka Constituency yong ka leh toh kawi na kiwa da chah ktah nei em ki bru wa pynemkaam drugs ki wym salia wow tooh u lute du neidaw wa kyrni drugs, deiwa e nongmuna yeiwa jia heiwa kiwa dih drugs da tynyap ki ya u Hapish Nongbri uwa na ka chnong Malki.

Heijooh i por ka MLA da pynsñiaw ko yei mynsien wa khia hajrong ini i chah tynyap khiar u Hapish deiwa beiñ leh ya ki 4 ngut ki damok wa man kiwa dih drugs.

Advertisement ad1

0 Comments

Leave a Reply