U Montri Rangbah ka jylla u Conrad K Sangma da ong u wa sorkar ka pdiang sñiawbha ko ya kiwon kiwon wa wan yaklam hapoh Office næ ki MLA ye ki wow wanrah ya ki mat hapoh ka yung dorbar.
Hawa klam ynne ka sngi hajrong i pynkhreh ka Voice of the People Party (VPP) wow kær kut ya ka Secretariat mynstep ka sngi, u Conrad da ong u wa ka sorkar wai ka dwar ko wow yaklam wa kiwon kiwon leh wei ka rynsan kawa biang tam ya kiwa mihkhmat toh ha yung dorbar yow wanrah ya ki mat.
Tangwa heiyatoh wa i yoh bor wei yow pait yei chongsuk chongsaaiñ hawa yatoh wa i lai paidbah mynstep ka sngi, u Conrad da ong u wa chong ha ki bor District wow leh yeiwa emkaam katkam ka aiñ.
Kam wow pynyknmoo wa ka VPP da pynkhreh ko wow lai toor cha ka Secretariat deiwa wanrah 10 tylli ki mat dawa kiwa yatoh nadooh i thung kreh ha ki DSC wa MPSC, ki kaam wa yatoh wa ka ramaw nadooh ki karkhana Coke wa Cement kamjooh yow dawa yei synchaar wa khooid.
Neiliang u President ka VPP, u Ardent Basaiawmoit ynne da kyntu ya ki paidbah wow man kiwa jai-jai wei wow pynneh yei suk i saaiñ heipor wa pynman yei yakhih.
Da maham u leh ya kiwon kiwon kiwa thmu wow chim kabu wow pynkulmar.
Discussion about this post