Shillong: U Montri Rangbah ka jylla Meghalaya u Conrad K. Sangma da ban joor u yeiwa emkaam wow wanrah ya ka roi ka paar wa salonsar ha waroh ki jait kaam khamtam ha ki kaam puræ puthi kawa em ha khlieh i thong ka sorkar jylla.
Hawa klam u ha ka lehkmen Golden Jubilee ka Shngimawlein Government Upper Primary School, Mawkyrwat ynnin ka sngi da ong u wa sñiawkmen u yei lai luti kani ka skur cha khmat wei ini da ye u leh du nei krehchitom kiwa sdang ya ka skur kamjooh waroh wa emkti wow pynku ya kani ka skur yow poi ko cha ka kyrdan wa em ko katni.
Ya kani ka skur toh kawa da sdang da kiwa sikai u (T) Srallington Lyngdoh, u (T) Wollendro Lyngdoh wa u (L) Dani Lyngdoh ha u snem 1968 wei ya ka yungskur wa thymme da chna hapoh ka Scheme Rashtriya Madyamik Shiksha Abhiyan.
Heipor wa wai ya kani ka yungskur wa thymme da emlang u montri ka tnat puræ puthi, u Lahkmen Rymbui, u ML.A ka thaiñ u Renikton Lyngdoh Tongkhar, ki heh District, ki sahep sorkar, kiwa sikai, ki khynnah skur wei neiliang u Conrad da ong u wa ym ye u su kylliang yei kreh chitom yow poi cha ki kyrdan wa heh dooh.
Da ong u leh wa ka sorkar ym chong ngiah ko kat wym pu yoh ya ka Education Policy kawa paka yow man ko kam kawa yah luti yow ye u lai cha khmat wei da ong u leh wa hapoh ka District South West Khasi Hills em boon kiwa ka sorkar emkaam ko wow yarap khamtam ki luti ki syngkieñ.
Discussion about this post