U Montri Rangbah ka jylla, u Conrad K Sangma da ong u wa ka sorkar ym kwah ko wow thombor wow chimkti ya kiwa sikai Deficit tangwa da syllok ko lada em kiwi ki laad wa rap biang.
Hawa jubab hajrong i kylli ya ka chnat puræ puthi ynne ka sngi, u Conrad da ong u wa ka sorkar ngait ko hei yaphyllu yaklam hajrong ini wei ym thombor ko ha iwon iwon i dur.
Da ong u leh wa ka sorkar ym em thmu ko iyi iyi wow thombor wei wow chimkti ya ki skur næ wow pynkut ya ka Deficit System.
Da em i dawa na kiwa sikai Deficit wow chimkti ka sorkar du ya kiwa sikai da ka Provincialization tangwa em ki wym kwah wei ka sorkar daw sylli bniah ko yeini i kaam.
U Conrad da pyntip u wa ka sorkar da pynlut ko kamwa Rs.1100 klur man-u -nem wow yarap ya ki skur wa ki College ki wym toh ki yong ka sorkar kam ka Grant-in-Aid wei kini ki thaw puræ da pynemkaam ki ka wow su ya ka tulop kiwa sikai wei ka sorkar da pynlut ko kamwa Rs.600 klur wow su ya kiwa sikai skur ka sorkar.
Da ong u leh wa ka sorkar dang sylli bniah ko yei dawa wow pynheh ya i yarap ya ki skur samen neibhah daw hap pynlut chooh da kamwa Rs.200-300 klur tam i wow kynjoh cha ka Rs.1400 klur ha ka chi snem.
Chwa ini u Montri ka chnat puræ puthi, u Rakkam Sangma da pyntip u wa em 3361 tylli ki Lower Primary, 881 tylli ki Upper Primary, 2363 tylli ki Secondary School wa 186 tylli ki Higher Secondary School kiwa haap ha ka Deficit.
Ya kiwa sikai da thung da ki School Managing Committee wei ka sorkar su donhi ko ya ka tulop.
Discussion about this post