15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ka sorkar ym randien ko wow yarap ya ki paidbah: Hek

Advertisement ad1
Advertisement ad1
Advertisement ad1

U Montri wa pait ya ka chnat i chait i khiah, u Alexander Laloo Hek da ong u wa ka sorkar ka sñiawkhia ko yei poor smat u khñiang COVID-19 hapoh ka jylla, tangwa hadien wa da bichaar bniah bha hajrong i long i man, ka sorkar ka chim ko ya i rai wym pynkrehkaam yei khangsbak næ Lockdown neibhah wa hap wow pyrkhat leh ya i im wa man-ka-sngi yong ki paidbah wa chong chnong.

Hawa kylli ynne ka sngi, u Hek da kyntait wa i wym pynkrehkaam ya ka Lockdown toh neidaw wa ka sorkar ymye ko wow psa ya ki paidbah kamwa da leh ha u snem wa dadep, tangw lada poi u pood i eh i khoo ka sorkar ym randien ko wow yarap ya ki paidbah ha iwon iwon i por.

Advertisement ad1

Da ong u leh wa i wym pynkrehkaam ya ka Lockdown toh wa ka sorkar pyrkhat ko ya ki paidbah.

Kam wow kdaw heini, ka kasari wa khlieh dooh, ka Supreme Court wa ka National COVID-19 Monitoring Committee da pynsñiaw ko cha ka sorkar pyrdi wa emkaam wow pynkrehkaam ya ka Lockdown ha waroh kawi ka ri neibynta wow pynduna wei wow khang yei ku syndet i yabi u COVID-19.

Hajrong ini neiliang u Hek da ong u wa burom u yei tyrwa ka Supreme Court wa ki bru chemphang, tangwa kamwa man katni ka sorkar jylla hap pyrkhat ko ya kiwa boon ki paidbah khamtam ya kiwa kreh ya ki kaam wa khian kiwa ye u chah ktah tangwa neiliang ka sorkar da booh ko ya ki kyndon wow khang wei wow yada na uni u khñiang dei wym ktah ya kiwa dooh wa duk.

Share this:
Previous

Ym joh bor de ka sorkar ko wow chim-wai ya ki Hotel neibynta kiwa kreh ha i chait i khiah: Hek

Next

Da ki phaw tylli ki kari wa chah daiñ kuna tyngkheiñ kyndon COVID-19 ynne ka sngi