Ha u snem 1996, u R. Gurusamy, uwa em ya i thaw wa heh 60 Acre ha Tiruppur District, Tamil Nadu da chem u ya ar tylli ki skai (Spotted Deer) wa baam phlang ki chirup wa ki masi wa ki blang u harood ka wah Kousika.
U Gurusamy heitæ i por ym em beh u ki tangwa da booh bhah u yei thaw neibynta yong ki.
Hadien kamwa 30 snem, i kpær u Gurusamy iwa 35 Acre wa yoo nyngkong ya kini ki skai wa thooh ki yei baam wa ka um, katni kini ki skai da kynjoh ki cha ka 2,000 tylli.
U Guruswamy (74 snem katni) ym em poipyrkhat u wa i kpær yong oo u man i kam i Sanctuary katni.
Da yoh pateiñ u yei thaw wa heh 60 Acre na kiwa ha-yung u ha ki snem 1990 wei rep u ha i thaw wa heh 20-25 Acre katwa iwa tam won da e bhah u ya ki skai wow im ki.
“Chirup wa ki dieñ, ki phlang ki rnem, ini i thaw wa 35 Acre da man i lakam i khloo katni chirup wa kini ki skai,” da ong u K. Ravindran, u President ka Nature Society of Tiruppur.
Da ong u wa u Gurusamy man u kam ka nongmuna wei ha iwon iwon i por wa lai u cha ini i kpær wa em 2,000 tylli ki skai, sñiaw u lakam wa em u ha i khloo wa rben ka Mudumalai National Park.
Ka Supriya Sahu, Additional Chief Secretary (Environment and Forests), da ong ko wa i yaichah wa ka parom wa sakhiat u Gurusamy pynyoo ko yei raikut u wow pynneh ya ki mrad khloo.
Da ong ko wa chirup wa ka Forest Department, da yada u ya ki skai nei chah siat næ chah tynyap wei da yarap u wow pynsñiawthooh ya ki khynnah wa kiwa chong chnong wow yada ya ki mrad wa i khloo.
Discussion about this post