U Moonlight Pariat uwa jooh man MDC la san samoi lynter wei jooh ksoh u leh yaka chuki CEM ka JHADC, tangwa da chah rem noh u ha u snem 2019, ha kani ka kynti da mih yakhun biang u ya kani ka Election MDC kam u kyrtong samen naka 19-Jowai South Constituency neidaw wa yoo u wa ka District Council da khyllem ko kamtæ kwah u wow pynkhai im biang ka.
Hawa kylli yei pynkhreh ong u, i pynkhreh ha kani ka kynti toh neibynta u jop, khnang yow ye u pynkhai im biang yaka Council kam nachwa.
Ong u haki 6 snem nadooh u 2019 hadooh katni, kiwa kreh ka Council maad ki yei eh heiyatoh ka tulop, kamtæ i kwah yong oo toh u pynkhai im biang yaka Council, wa yoo u i maa ym du wa yang ko ya kiwa kreh ka Council tangwa wot yaka jaitbru kamjooh, ya boi daw poi i por wa nei tlot ware ko daw hap chimkti u pynlai da u Governor næ ka sorkar India, wei heitæ i por lada pyndooh noh ko yaka Sixth Schedule daw man i dooh nong wa khroo wa daw dooh yei mantre yei khyndaw u chyiap, ka dustur riti, neitæ daw ya ryngkat i man i long wa ki ri thor heiwa ka khyndaw u chyiap daw man noh ka yong ka sorkar.
Kamtæ ha kani ka kynti ong u emkaam chiboon ki aiñ wow booddien neini chakhmat la iwa emkaam wow pynkylla khnang yow suk ka District Council, ka jaitbru wei u yoh ka Direct Funding naka sorkar bei.
Discussion about this post