U Prime Minister ka ri, u Narendra Modi da khut u yaka ‘Tika Utsav’ kam ka tamasa e dawai yada, i sdang ka thma wa ar pyrchah ya u COVID-19 deiwa pynkynmoo leh wow yada ya idæ wow lehkhooid ha ki thaw paidbah kamjooh leh yong samen.
Ya kani ka Utsav (tamasa) kawa sdang ynnin ka sngi kawa man leh ka lyngkhooh sngikha u Mahatma Jyotiba Phule wei daw pteiñ ko hadooh ka lyngkhooh sngi kha u Dr. BR Ambedkar haka 14 tarik uni u bnai.
Hawa e yaka khubor cha ki paidbah, u Prime Minister da ban joor u hajrong ki 4 jait kiwa emkaam ha kani ka ya e dawai. U yarap pynyoh dawai tika ya kitu kiwa da tymmen kiwa ym tip wow puræ puthi kiwa ym ye wow lai dei bor yong ki hi. U yarap pynyoh sumaar ya kitu kiwa ym tip neiwon u yoh yei sumaar. U yarap yada uwi ya uwi deiwa deiñ Mask. Khaddooh, ka imlang sahlang toh u yahluti ko wow sdang ya ki ‘Micro Containment Zones’ lada em wa yoh COVID-19 ha yung ha sem iwa man iwa emkaam u leh khamtam hapoh India kawa boon wei khynnia bru.
U Prime Minister da ban joor u leh yei emkaam wow leh ya ki Test wa ki pynsñiawthooh paidbah. Da phah u leh ya waroh kiwa da toh u yoh yei dawai tika wow chim ki ya ini i dawai wei ini toh u man i iwa hakhmat dooh ya ka imlang sahlang wa ki bor District wei wow pyntikna wa ym sepai i dawai tika.
U Prime Minister da ong u leh yow jop, chong ko leh yei pynsñiawthooh chaphang ki ‘Micro Containment Zones’, deiwa ym toh wow mih napoh yung khlem da emkaam, u e dawai tika ya waroh kiwa toh u yoh wei wow bood leh yei rukom im deiwa deiñ ya ki Mask wa kiwi kiwi.
