Ka United Democratic Party (UDP) da thoh ko cha ka Law Commission of India yow pyrchah yei pynkrehkaam ya ka Uniform Civil Code (UCC).
Ka UDP da ong ko wa katni ya ka UCC toh kawa da yatai ha waroh kawi ka ri ha waroh ki kyrdan wei da mih leh boon i sñiaw nadooh kiwa kyrchaan wa kiwa pyrchah hanla ka Article 44 ka Constitution da ong ko wa i pynkrehkaam ya ka UCC toh hajrong ka yurim wow wanrah yei man salonsar wei yow pynyoh yei hok yong uwi pa uwi nadooh ka niam leh.
Tangwa da emkaam leh u burom yei hok, i sñiaw, i rukom im, ka dustur riti, ki jait niam wa bood da kiwa boon ki jaitbru hapoh ka ri wei kam ka Meghalaya kawa haap hapoh ka Sixth Schedule lada chah ktah i hok yong ki da pynsepai ko yei em ka Sixth Schedule.
Kamtæ da ong wa deiwa khlem em leh i pynkhreh da ka sorkar pyrdi wa kammon u man kani ka UCC, da hap wow pyrchah bait ha ini i por wei ka sorkar leh ym em pynche ko ya ini i rukom pynkrehkaam ya ka UCC.
Discussion about this post